महाकाली बाट उखु भारत निर्यात

पौष २३, 
उचित मूल्य पाउन थाले पछि कञ्चनपुरको महाकाली नगरपालिकामा उत्पादित उखु भारतीय बजारमा निर्यात हुन थालेको छ ।
स्थानीय साना गुड उद्योग भन्दा सीमा पारि भारतीय बजारमा सञ्चालित उद्योगमा उखु बिक्री गर्दा मुनाफा बढी हुने भएकाले उखु किसान बिक्रीका लागि भारत जाने गरेका छन् ।

दुई वर्षअघि रु १५ लाख ऋण लिएर पदमा गुड उद्योग सञ्चालनमा ल्याएका चाँदनीका स्थानीय वासी पुरन बहादुर चदारोले गुड उद्योग फष्टाउन नसकेको बताउनुभयो । “भारतीय बजारमा उखुको मूल्य बढी भए पछि दोधारा चाँदनीका किसान उखु बिक्री भारतमै गर्छन् ।” उहाँले भन्नुभयो, “भारतीय गुड यहाँको भन्दा सस्तो भएकाले पनि स्थानीय उद्योग फष्टाउन सकेनन् ।” भारतीय बजारमा उखु मूल्य प्रति क्विन्टल ४०० भारुमा बिक्री हुन्छ, भने नेपाली बजारमा रु ४०० नेपालीमा बिक्री हुने गरेको छ । उद्योग सञ्चालन गरेका चदारोले आफूले पनि तीन बिघा जमीनमा उखु खेती गरेको बताउनुभयो । “उखुको उचित मूल्य निर्धारण नहुनुले पनि किसान मारमा परेका छन् ।” उहाँले भन्नुभयो, “स्थानीय उद्योग लाई सहयोग पुग्ने गरी मूल्य निर्धारण गर्नुपर्छ ।” उहाँका अनुसार भारतीय गुड प्रतिकिलो रु २० र नेपाली गुड रु ४० मा बिक्री भइरहेको छ । १५ जना लाई उद्योगमा रोजगारी समेत दिएका चदारोले गुड बाट वार्षिक रु एक लाख भन्दा बढी मुनाफा भइरहेको बताउनुभयो । उखु बाट राम्रो आम्दानी हुन थाले पछि दोधारा चाँदनीमा अधिकांश किसान उखु खेती तर्फ आकर्षित भएका छन् ।

प्रतिकृया दिनुहोस